卡塔兩世界盃進行得如火如荼，小組賽首輪已接連爆出驚人賽果，🇯🇵日本反勝勁旅德國，🇸🇦沙地亞拉伯技術性擊倒有球王美斯在陣的阿根廷，無不叫人大跌眼鏡 （或者大呼爽）。但正所謂「波係圓嘅」，爆冷賽果於體育大賽絕不稀奇，亦正正是足球等運動引人入勝的一大因素。實力有差距，被睇低做Underdog 的一方要爆冷，首要條件是不能先睇低自己，睇少自己，不要未打先認輸。
如此心態，放於生活亦同樣適用。我們可能有好多想實踐的轉變，有好多想試的挑戰，比賽考試、轉工轉行、學新事物進修、移民外國、戒零食夜瞓、儲錢置業、放低前塵往事、甚至改善下同身邊人的關係等，當欠缺信心時，往往有時會預先打定輸數：認為「自己又廢又唔得」、懷疑及否定自己、怕別人不認同，一心想象結果必定差，怕了後果不想失望….結果是令自己不去盡力甚至不去開始和嘗試，事後卻追悔。🥲
世事並不一定順利，比賽亦不會寫包單必嬴。但反之亦然，失敗並非必然，事事也未必如你所想那麼差。要嘗試過、經歷過努力過，才會有出乎意料之外嘅精采驚喜。無論你面對的是五屆冠軍，抑或面對人生未知之數，都不妨抱住平常心，相信自己，享受過程，接納結果。You are more than what you think.
生活不易，但你會願意為自己放膽去爆一爆冷嗎？🏃🏻
作者：Karson 黃嘉信 @mindfuloceanhk （認證靜觀導師・心理學碩士）
